"Астон Вилла" қишки трансфер ойнасида ярим ҳимоячи Филиппе Коутиньони қўйиб юборишга тайёр, деб хабар беради Daily Mail.
Жорий мавсумда 30 ёшли бразилиялик футболчи асосий таркибда бор йўғи 6та ўйинда майдонга тушди ва Премьер-лигада бирорта ҳам самарали ҳаракат қилмади.
Шу билан бирга, Коутиньо "Вилла" сафида катта маош олишда давом этмоқда ва жамоанинг янги бош мураббийи Унаи Эмери бундай қиммат футболчини сақлаб қолишдан фойда кўрмаяпти.
Унинг клуб билан шартномаси 2025 йилгача мўлжалланган. Transfermarkt портали футболчининг нархини 18 миллион еврога баҳоламоқда.