Madridning “Atletiko” klubi hujumchisi Antuan Grizmann klubdagi mashg‘ulotlarni tiklashga tayyorgarlikni boshladi, deb xabar beradi Mundo Deportivo.

31 yoshli fransiyalik futbolchi JCH-2022dan so‘ng ta’tilga chiqmaslikka qaror qildi.

Grizmann shanba kuni individual mashg‘ulot o‘tkazdi, ertaga esa u umumiy guruhda ishlay boshlaydi. Hujumchi 29 dekabr kuni bo‘lib o‘tishi rejalashtirilgan "Elche"ga qarshi o‘yinda yuqori formada bo‘lishni istamoqda.

Grizmann 2022 yilgi jahon chempionatida Fransiya terma jamoasi safida 7 o‘yinda 3 ta golli uzatma berdi va "uch ranglilar" bilan kumush medalni qo‘lga kiritdi.