Braziliya terma jamoasining bir qator futbolchilari terma jamoa bosh murabbiyi lavozimiga Zinedin Zidan nomzodini qo‘llab-quvvatlaydi, deb xabar beradi L'Equipe.
Manbaga ko‘ra, ular orasida "Real"ning sobiq va hozirgi futbolchilari Vinisius Junior, Eder Militao va Kazemiro ham bor. Ma’lum qilinishicha, Zidanni taklif qilish variantini "selesao"ning sobiq hujumchisi Ronaldo ham qo‘llab-quvvatlamoqda.
Fransiyalik mutaxassis 1965 yilda argentinalik Filpo Nunyesdan keyin Braziliya terma jamoasining birinchi xorijlik murabbiyiga aylanishi mumkin.
50 yoshli mutaxassis 2021 yilda "Real"ni tark etganidan keyin ishsiz. Oldinroq Zidan Didye Desham o‘rnini egallashi va Fransiya terma jamoasi bosh murabbiyi bo‘lishi mumkinligi haqida xabarlar tarqalgan edi.
