Бразилия терма жамоасининг бир қатор футболчилари терма жамоа бош мураббийи лавозимига Зинедин Зидан номзодини қўллаб-қувватлайди, деб хабар беради L'Equipe.
Манбага кўра, улар орасида "Реал"нинг собиқ ва ҳозирги футболчилари Винисиус Жуниор, Эдер Милитао ва Каземиро ҳам бор. Маълум қилинишича, Зиданни таклиф қилиш вариантини "селесао"нинг собиқ ҳужумчиси Роналдо ҳам қўллаб-қувватламоқда.
Франциялик мутахассис 1965 йилда аргентиналик Филпо Нуньесдан кейин Бразилия терма жамоасининг биринчи хорижлик мураббийига айланиши мумкин.
50 ёшли мутахассис 2021 йилда "Реал"ни тарк этганидан кейин ишсиз. Олдинроқ Зидан Дидье Дешам ўрнини эгаллаши ва Франция терма жамоаси бош мураббийи бўлиши мумкинлиги ҳақида хабарлар тарқалган эди.
