"Yuventus" "Bavariya" himoyachisi Benjamin Pavarga qiziqish bildirmoqda, deya xabar beradi Calciomercato.
Manbaga ko‘ra, "Barselona" ham 26 yoshli fransiyalik futbolchiga da’vogarlik qilgan, ammo endi kataloniyaliklar e’tiborini Dortmundning "Borussiya"sidan Toma Manyega qaratishgan.
Pavar "Bavariya"ga 2019 yilda "Shtutgart"dan ko‘chib o‘tgandi. Himoyachining shartnomasi 2024 yilning iyun oyi oxirigacha amal qiladi. Transfermarkt portali futbolchini 35 million yevroga baholamoqda.
2022/23 yilgi mavsumda Pavar “Bavariya” safida 21 ta o‘yinda maydonga tushib, 4 ta gol urdi.