"Yuventus" bosh murabbiyi Massimiliano Allegri yarim himoyachi Adriyen Rabyoni o‘z jamoasida saqlab qolmoqchi va uni 2023 yilning yozida, Turin klubi bilan shartnomasi yakunlanganida tekinga qo‘yib yuborishga tayyor. Bu haqida Tuttomercatoweb nashri xabar berdi.
Manbaga ko‘ra, "Tottenxem" fransiyalik futbolchiga faol qiziqish bildirmoqda. Xabar qilinishicha, Allegri Ueston Makkenni yanvar oyida qo‘yib yuborishga tayyor, biroq Rabyoni shartnomasi oxirigacha saqlab qolmoqchi, keyin esa uning erkin agent sifatida ketishiga rozi.
Eslatib o‘tamiz, Rabyo 2019 yildan beri Turinning "Yuventus" klubida o‘ynab kelmoqda. Joriy mavsumda u Italiya chempionatining 11 ta uchrashuvida qatnashib, 3 ta gol urdi va 2 ta golli uzatmani amalga oshirdi.
