"Ювентус" бош мураббийи Массимилиано Аллегри ярим ҳимоячи Адриен Рабьони ўз жамоасида сақлаб қолмоқчи ва уни 2023 йилнинг ёзида, Турин клуби билан шартномаси якунланганида текинга қўйиб юборишга тайёр. Бу ҳақида Tuttomercatoweb нашри хабар берди.
Манбага кўра, "Тоттенхэм" франциялик футболчига фаол қизиқиш билдирмоқда. Хабар қилинишича, Аллегри Уэстон Маккенни январь ойида қўйиб юборишга тайёр, бироқ Рабьони шартномаси охиригача сақлаб қолмоқчи, кейин эса унинг эркин агент сифатида кетишига рози.
Эслатиб ўтамиз, Рабьо 2019 йилдан бери Туриннинг "Ювентус" клубида ўйнаб келмоқда. Жорий мавсумда у Италия чемпионатининг 11 та учрашувида қатнашиб, 3 та гол урди ва 2 та голли узатмани амалга оширди.