Xabaringiz bor, Baxtiyor Ashurmatov bosh murabbiyligidagi "Turon" jamoasi 20 dekabr kunidan mavsumoldi tayyorgarlik doirasida dastlabki yig‘inga kirishgan edi. Yaypan shahrida tashkil etilgan ushbu yig‘inda asosan futbolchilarning jismoniy tayyorgarliklarni tiklash va nazariy bilimlarini yanada mustahkamlash bo‘yicha mashg‘ulotlar olib borildi.
"Bugun jamoa a’zolariga 4 yanvar sanasiga qadar qisqa muddatlik ta’til berildi. Vakillarimiz shu kuni klubimiz qarorgohida yig‘ilib mavsumoldi tayyorgarlikning ikkinchi bosqichiga kirishadilar. Mazkur yig‘in davomida jami 3 ta o‘rtoqlik uchrashuvlari tashkil etilishi rejalashtirilgan. Ushbu o‘yinlar sanasi haqida navbatdagi xabarlarimizda batafsil ma’lumot beriladi." - deyiladi "Turon" klubi rasmiy bayonotida.
