"Shaxtyor" "Arsenal"ning vinger Mixailo Mudrikni transfer qilish bo‘yicha birinchi rasmiy taklifini rad etdi, deb xabar beradi The Telegraph.
Klublar o‘rtasidagi muzokaralar davom etmoqda. Londonliklar transfer miqdorini oshirsa, kelishuv yakunlanishi mumkin.
"Konchilar" 21 yoshli futbolchi uchun 85 million funt sterling olishni talab qilishda davom etmoqda. "Kanonirlar" bonuslar bilan birga 55 million funt to‘lashga tayyor edi.
Shuningdek, manbaning qayd etishicha, ukrainalik futbolchi bilan shartnoma imzolash istagi hujumchi Gabriel Jezusning jarohati bilan bog‘liq emas. Yozda bosh murabbiy Mikel Arteta yangi qanot hujumchisi sotib olmoqchi edi, ammo keyin Pedru Netu transferi borasida "Vulverxempton" bilan kelisha olmadi.













