"Шахтёр" "Арсенал"нинг вингер Михаило Мудрикни трансфер қилиш бўйича биринчи расмий таклифини рад этди, деб хабар беради The Telegraph.
Клублар ўртасидаги музокаралар давом этмоқда. Лондонликлар трансфер миқдорини оширса, келишув якунланиши мумкин.
"Кончилар" 21 ёшли футболчи учун 85 миллион фунт стерлинг олишни талаб қилишда давом этмоқда. "Канонирлар" бонуслар билан бирга 55 миллион фунт тўлашга тайёр эди.
Шунингдек, манбанинг қайд этишича, украиналик футболчи билан шартнома имзолаш истаги ҳужумчи Габриэль Жезуснинг жароҳати билан боғлиқ эмас. Ёзда бош мураббий Микель Артета янги қанот ҳужумчиси сотиб олмоқчи эди, аммо кейин Педру Нету трансфери борасида "Вулверхэмптон" билан келиша олмади.
