«Yuventus» Angliyaning «Brayton» klubi va Argentina terma jamoasi yarim himoyachisi Aleksis Mak Allisterni sotib olmoqchi. Bu haqda La Repubblica nashri xabar bermoqda.
Manbaga ko‘ra, italyan klubi bosh murabbiyi Massimiliano Allegri futbolchining Qatardagi jahon chempionatidagi o‘yinidan qoniqish hosil qilgan.
24 yoshli yarim himoyachi 2020 yilning yanvaridan beri «Brayton»da to‘p tepadi, ingliz klubi bilan shartnoma 2025 yilgacha amal qiladi.
Ma’lumot uchun, joriy mavsum Mak Allister «Brayton» safida barcha musobaqalar doirasida 14 ta o‘yinda maydonga tushib, 5 ta gol urdi. Transfermarkt ma’lumotlariga ko‘ra futbolchining narxi 42 million yevroni tashkil qiladi.
