Kodi Gakpo jismoniy tekshiruvlardan o‘tish uchun Angliyaga keldi.

23 yoshli niderlandiyalik vinger Eyndxovenning PSV klubidan “Liverpul”ga o‘tdi. Transfer summasi 35-45 million funtga baholanmoqda.

Angliyada transfer oynasi 1 yanvar kuni ochiladi. Agar tibbiy ko‘rikdan muvaffaqiyatli o‘tib, barcha kerakli hujjatlar rasmiylashtirilsa, Gakpo 2 yanvar kuni “Brentford”ga qarshi APL 19-tur uchrashuvida “Liverpul” safida debyut qilishi mumkin.

Premyer-liga reglamentiga ko‘ra, hujjatlar o‘yindan oldingi oxirgi ish kuni tushga qadar rasmiylashtirilishi kerak. Bu mavsumda 1 va 2 yanvar kunlari ish kuni hisoblanadi.

Gakpo mavsumda PSV safida 24 ta o‘yinda 13 ta gol urdi va 17 ta golli uzatmani amalga oshirdi. Uning hisobida JCH-2022da 5 ta o‘yinda 3 ta gol bor.