Коди Гакпо жисмоний текширувлардан ўтиш учун Англияга келди.

23 ёшли нидерландиялик вингер Эйндховеннинг ПСВ клубидан “Ливерпуль”га ўтди. Трансфер суммаси 35-45 миллион фунтга баҳоланмоқда.

Англияда трансфер ойнаси 1 январь куни очилади. Агар тиббий кўрикдан муваффақиятли ўтиб, барча керакли ҳужжатлар расмийлаштирилса, Гакпо 2 январь куни “Брентфорд”га қарши АПЛ 19-тур учрашувида “Ливерпуль” сафида дебют қилиши мумкин.

Премьер-лига регламентига кўра, ҳужжатлар ўйиндан олдинги охирги иш куни тушга қадар расмийлаштирилиши керак. Бу мавсумда 1 ва 2 январь кунлари иш куни ҳисобланади.

Гакпо мавсумда ПСВ сафида 24 та ўйинда 13 та гол урди ва 17 та голли узатмани амалга оширди. Унинг ҳисобида ЖЧ-2022да 5 та ўйинда 3 та гол бор.