"Inter" Denzel Dumfrisning ehtimoliy ketishiga tayyorlanmoqda.
La Gazette Dello Sport xabariga ko‘ra, agar Dumfris ketsa, Italiya klubi "Bavariya"ning o‘ng qanot himoyachisi Nussair Mazrauini o‘z safiga qo‘shib olmoqchi.
Qayd etilishicha, “neradzurrilar” Niderlandiya terma jamoasining 26 yoshli himoyachisini kamida 60 million yevroga baholamoqda. Unga "Chelsi" va "Manchester Yunayted" klublari qiziqmoqda.
Agar Dumfris "Inter"ni tark etsa, klub "Bavariya"dan Mazrauini sotib olishga harakat qiladi. Qayd etilishicha, Italiya klubi Marokash terma jamoasi futbolchisini bir necha yildan beri kuzatib kelmoqda. Agar Denzel ketsa, u asosiy nishonga aylanadi.
"Inter" Dumfrisni qishda emas, yozda sotishga intilmoqda. 2022 yilgi jahon chempionatidan keyin bu futbolchiga qiziqish bildirayotgan klublar soni ortgan.