"Интер" Дензел Думфриснинг эҳтимолий кетишига тайёрланмоқда.
La Gazette Dello Sport хабарига кўра, агар Думфрис кетса, Италия клуби "Бавария"нинг ўнг қанот ҳимоячиси Нуссаир Мазрауини ўз сафига қўшиб олмоқчи.
Қайд этилишича, “нерадзуррилар” Нидерландия терма жамоасининг 26 ёшли ҳимоячисини камида 60 миллион еврога баҳоламоқда. Унга "Челси" ва "Манчестер Юнайтед" клублари қизиқмоқда.
Агар Думфрис "Интер"ни тарк этса, клуб "Бавария"дан Мазрауини сотиб олишга ҳаракат қилади. Қайд этилишича, Италия клуби Марокаш терма жамоаси футболчисини бир неча йилдан бери кузатиб келмоқда. Агар Дензел кетса, у асосий нишонга айланади.
"Интер" Думфрисни қишда эмас, ёзда сотишга интилмоқда. 2022 йилги жаҳон чемпионатидан кейин бу футболчига қизиқиш билдираётган клублар сони ортган.