“Inter” himoyachisi Stefan de Vrey Italiya chempionatini tark etishga qaror qildi. Unga Amerikadan takliflar bor, deb xabar beradi fcinter1908.it.

Manbaga ko‘ra, milanliklar maoshi saqlanib qolgan holda futbolchini yana ikki yil jamoada qoldirishga qarshi emas. Biroq, u ligani o‘zgartirmoqchi.

Oldinroq himoyachiga "Tottenxem" va "Atletiko" klublari qiziqish bildirayotgani haqida xabar berilgandi.

Transfermarkt portali 30 yoshli gollandning narxini 15 million yevroga baholamoqda.

De Vrey joriy mavsum A Seriyada 12 ta o‘yinda maydonga tushdi va 1 ta gol urdi.