“Интер” ҳимоячиси Стефан де Врей Италия чемпионатини тарк этишга қарор қилди. Унга Америкадан таклифлар бор, деб хабар беради fcinter1908.it.

Манбага кўра, миланликлар маоши сақланиб қолган ҳолда футболчини яна икки йил жамоада қолдиришга қарши эмас. Бироқ, у лигани ўзгартирмоқчи.

Олдинроқ ҳимоячига "Тоттенхэм" ва "Атлетико" клублари қизиқиш билдираётгани ҳақида хабар берилганди.

Тransfermarkt портали 30 ёшли голланднинг нархини 15 миллион еврога баҳоламоқда.

Де Врей жорий мавсум А Серияда 12 та ўйинда майдонга тушди ва 1 та гол урди.