Madridning «Real» klubi yulduzi Karim Benzema faoliyatini Angliya premyer-ligasida davom ettirishi mumkin. El Nacional xabariga ko‘ra, 35 yoshli fransiyalik futbolchiga Angliya chempionatida hozirda peshqadamlik qilayotgan Londonning «Arsenal» jamoasi qiziqish bildirmoqda.

Manbaning ta’kidlashicha, Karim Benzemaning jarohatlari ko‘payib borayotgan bir sharoitda «Real Madrid» boshqa hujumchi topish variantini ko‘rib chiqadi.

Shu sababdan tajribali futbolchi shartnomasini yangilash masalasini qayta ko‘rib chiqmoqda (hozirgi shartnoma mavsum oxirida tugaydi). «Arsenal» bu vaziyatdan unumli foydalanishga umid qilmoqda.

Qayd etish kerakki, kuzda Karim Benzema nufuzli mukofot – «Oltin to‘p»ni qo‘lga kiritgandi.