Мадриднинг «Реал» клуби юлдузи Карим Бензема фаолиятини Англия премьер-лигасида давом эттириши мумкин. El Nacional хабарига кўра, 35 ёшли франциялик футболчига Англия чемпионатида ҳозирда пешқадамлик қилаётган Лондоннинг «Арсенал» жамоаси қизиқиш билдирмоқда.

Манбанинг таъкидлашича, Карим Бенземанинг жароҳатлари кўпайиб бораётган бир шароитда «Реал Мадрид» бошқа ҳужумчи топиш вариантини кўриб чиқади.

Шу сабабдан тажрибали футболчи шартномасини янгилаш масаласини қайта кўриб чиқмоқда (ҳозирги шартнома мавсум охирида тугайди). «Арсенал» бу вазиятдан унумли фойдаланишга умид қилмоқда.

Қайд этиш керакки, кузда Карим Бензема нуфузли мукофот – «Олтин тўп»ни қўлга киритганди.