Italiyaning «Yuventus» va Ispaniyaning «Atletiko» klublari qishki transfer oynasida o‘yinchilarni almashishi mumkin.
Calciomercatoweb xabariga ko‘ra, yarim himoyachi Adriyen Rabyo Turindan Madridga, himoyachi Xose Ximenes esa qarama-qarshi yo‘nalishda ketishi mumkin.
Amaldagi shartnomasi joriy mavsum oxirigacha mo‘ljallangan 27 yoshli Adriyenga qiziqish bildirayotgan klublar qatorida «Atletiko» ham bor.
Xose Ximenesga kelsak, 27 yoshli urugvaylik futbolchi faoliyatida yangi chaqiruv qidirmoqda. Bugun Yevropada transfer oynasi ochiladi.













