31 dekabr, shanba kuni Tehronda bir necha eronlik futbolchi qo‘lga olindi, deb xabar beradi RMC Sport Tasnim nashriga tayanib.
Manbaga ko‘ra, futbolchilar Damavend shahridagi ziyofatda bo‘lishgan. Ular ayollar ishtirok etgan ziyofatda ichishgan.
“Bir necha futbolchi, jumladan Tehrondagi asosiy klublardan birining sobiq futbolchisi Damavenddagi kechada hibsga olindi. Ulardan ba’zilari spirtli ichimliklarni iste’mol qilgandan keyin noadekvat holatda bo‘lgan", deydi manba.
Hibsga olinganlarning ismlari va ular vakili bo‘lgan klublar haqida ma’lumot berilmagan.
Eron qonunlariga ko‘ra, mamlakatda spirtli ichimliklarni sotish va iste’mol qilish taqiqlangan.
