31 декабрь, шанба куни Теҳронда бир неча эронлик футболчи қўлга олинди, деб хабар беради RMC Sport Tasnim нашрига таяниб.
Манбага кўра, футболчилар Дамавенд шаҳридаги зиёфатда бўлишган. Улар аёллар иштирок этган зиёфатда ичишган.
“Бир неча футболчи, жумладан Теҳрондаги асосий клублардан бирининг собиқ футболчиси Дамавенддаги кечада ҳибсга олинди. Улардан баъзилари спиртли ичимликларни истеъмол қилгандан кейин ноадекват ҳолатда бўлган", дейди манба.
Ҳибсга олинганларнинг исмлари ва улар вакили бўлган клублар ҳақида маълумот берилмаган.
Эрон қонунларига кўра, мамлакатда спиртли ичимликларни сотиш ва истеъмол қилиш тақиқланган.
