"Brentford" matbuot xizmati rasmiy saytida Angliya terma jamoasi sobiq sardori Devid Bekxemning o‘g‘li, "Inter Mayami" yarim himoyachisi Romeo Bekxemning transferi haqida e’lon qildi.
Ingliz klubi futbolchini 2023 yilning yoziga qadar ijaraga olgan. Yarim himoyachi "Brentford"ning zaxira jamoasida o‘ynashi kutilmoqda.
20 yoshli Bekxem "Arsenal" tarbiyalanuvchisi. U 2021 yildan beri Mayamining "Inter" klubida o‘ynamoqda. Amerika klubining ikkinchi jamoasi uchun u 26 o‘yin o‘tkazib, ikkita gol urdi va 10 golga assistentlik qildi.