"Брентфорд" матбуот хизмати расмий сайтида Англия терма жамоаси собиқ сардори Дэвид Бекхэмнинг ўғли, "Интер Майами" ярим ҳимоячиси Ромео Бекхэмнинг трансфери ҳақида эълон қилди.
Инглиз клуби футболчини 2023 йилнинг ёзига қадар ижарага олган. Ярим ҳимоячи "Брентфорд"нинг захира жамоасида ўйнаши кутилмоқда.
20 ёшли Бекхэм "Арсенал" тарбияланувчиси. У 2021 йилдан бери Майамининг "Интер" клубида ўйнамоқда. Америка клубининг иккинчи жамоаси учун у 26 ўйин ўтказиб, иккита гол урди ва 10 голга ассистентлик қилди.