Yarim himoyachi Ruslan Malinovskiy «Atalanta»dan «Marsel»ga o‘tishga yaqinlashmoqda. Nufuzli insayder Fabrisio Romano ijtimoiy tarmoqlarda klublar o‘rtasidagi kelishuv yopilganligi haqida xabar berdi.
Hujjatlar keyingi haftada imzolanadi. Malinovskiy allaqachon fransuz klubi bilan uzoq muddatli shartnoma imzolagan.
Qayd etilishicha, «Marsel» 29 yoshli Ruslan Malinovskiy transferi uchun «Atalanta»ga taxminan 12 million yevro to‘laydi.
Ma’lumot uchun, Ruslan Malinovskiy 2019 yilning yozidan buyon «Atalanta» safida to‘p tepmoqda. O‘shandan beri ukrainalik futbolchi bergamoliklar safida 143 ta o‘yin o‘tkazib, 30 ta gol urgan va 28 ta golli uzatmani amalga oshirgan.