Serbiya va “Lasio” yarim himoyachisi Sergey Milinkovich-Savichning agenti Mateya Kejman o‘z mijozining transferi bo‘yicha ingliz klublari bilan muzokaralar olib bordi. Bu haqda jurnalist Nikolo Shkira ijtimoiy tarmoqlar orqali xabar berdi.
Oldinroq matbuotda yarim himoyachi "burgutlar" bilan yangi mehnat shartnomasi imzolashni rejalashtirmayotgani haqida ma’lumot paydo bo‘lgandi. Shu munosabat bilan “Lasio” rahbariyati futbolchi uchun 70 million yevro to‘lashsa, uni sotishga tayyor.
Milinkovich-Savich joriy mavsumda 21 ta o‘yinda maydonga tushib, 5 ta gol urdi va 7 ta golli uzatmani amalga oshirdi. Uning shartnomasi 2024 yilning yoziga qadar mo‘ljallangan.
