Сербия ва “Лацио” ярим ҳимоячиси Сергей Милинкович-Савичнинг агенти Матея Кежман ўз мижозининг трансфери бўйича инглиз клублари билан музокаралар олиб борди. Бу ҳақда журналист Николо Шкира ижтимоий тармоқлар орқали хабар берди.
Олдинроқ матбуотда ярим ҳимоячи "бургутлар" билан янги меҳнат шартномаси имзолашни режалаштирмаётгани ҳақида маълумот пайдо бўлганди. Шу муносабат билан “Лацио” раҳбарияти футболчи учун 70 миллион евро тўлашса, уни сотишга тайёр.
Милинкович-Савич жорий мавсумда 21 та ўйинда майдонга тушиб, 5 та гол урди ва 7 та голли узатмани амалга оширди. Унинг шартномаси 2024 йилнинг ёзига қадар мўлжалланган.
