Angliya terma jamoasi va “Everton” darvozaboni Jordan Pikford faoliyatini “Tottenxem”da davom ettirishi mumkin. Londonliklar yaqinda 36 yoshga to‘lgan Ugo Lyorisning o‘rniga munosib futbolchi qidirmoqda.

Pikfordning "Everton" bilan amaldagi shartnomasi 2024 yilning o‘rtalariga qadar tuzilgan. 28 yoshli futbolchi klubning shartnomani uzaytirish taklifini rad etdi. U katta ambisiyali jamoaga o‘tishga tayyor.

Angliyalik futbolchi 2017 yilning iyul oyida "Everton" safida debyut qilgan va klub safida 217 ta o‘yinda maydonga tushib, 313 ta gol o‘tkazib yuborgan va 57 marta darvozani daxlsiz saqlagan. Transfermarkt portali uni 28 million yevroga baholamoqda.