Garet Beyl 33 yoshida futbolchilik faoliyatini yakunlashga qaror qildi.

"Ehtiyotkorlik va puxta o‘ylab ko‘rganimdan so‘ng, men klub va xalqaro futboldagi faoliyatini tugatganimni e’lon qilaman" - deb boshladi o‘z bayonotini Beyl.

Garet orzusini ro‘yobga chiqargani va 17 mavsumni professional futbolda o‘tkazganidan xursandligini bildirdi. Uelslik futbolchining so‘zlariga ko‘ra, u o‘z faoliyati bilan faxrlanadi. Beyl o‘zining sobiq klublari - "Sautgempton", "Tottenxem", "Real" va "Los-Anjeles Geleksi"ga, do‘stlariga, shuningdek, futbolda yo‘llari kesishgan odamlarga minnatdorchilik bildirdi.

"Shunday ekan, men hayotimning keyingi bosqichiga o‘tishdan juda xursandman. Bu o‘zgarishlar vaqti va yangi sarguzasht uchun imkoniyatdir", - deb post qoldirdi Beyl.