Italiyalik jurnalist Fabrisio Romanoning xabar berishicha, Madridning “Atletiko” klubi “Barselona” hujumchisi Memfis Depayga qiziqish bildirmoqda.
Manbaga ko‘ra, klublar o‘rtasida birinchi muzokaralar shu hafta bo‘lib o‘tadi.
Qayd etilishicha, “Atletiko” Depayni yaqin vaqt ichida “Chelsi”ga ijara asosida o‘tishi kerak bo‘lgan hujumchi Joau Feliks o‘rniga nomzodlardan biri sifatida ko‘rmoqda.
28 yoshli hujumchi joriy mavsumda "Barselona" safida barcha turnirlarda to‘rtta o‘yinda maydonga tushdi va bitta gol urdi.
