Италиялик журналист Фабрицио Романонинг хабар беришича, Мадриднинг “Атлетико” клуби “Барселона” ҳужумчиси Мемфис Депайга қизиқиш билдирмоқда.
Манбага кўра, клублар ўртасида биринчи музокаралар шу ҳафта бўлиб ўтади.
Қайд этилишича, “Атлетико” Депайни яқин вақт ичида “Челси”га ижара асосида ўтиши керак бўлган ҳужумчи Жоау Феликс ўрнига номзодлардан бири сифатида кўрмоқда.
28 ёшли ҳужумчи жорий мавсумда "Барселона" сафида барча турнирларда тўртта ўйинда майдонга тушди ва битта гол урди.