"Yuventus" vingeri Anxel Di Mariyaga Braziliyaning "Internasyonal" klubi qiziqish bildirmoqda.
Argentinalik futbolchiga qiziqish haqida klub prezidenti Alessandro Barselos ma’lum qildi.
“Biz uni kuzatmoqdamiz, ammo hozircha aniq ma’lumotlar yo‘q. U bizning qanday ishlayotganimizni biladi. Biz har doim moliyaviy holatni to‘g‘ri hisoblaymiz. Ayni damda Di Mariya bo‘yicha muzokaralar olib borilmayapti", - dedi u.
Eslatib o‘tamiz, argentinalik futbolchining "Yuventus" bilan shartnomasi shu yozda yakuniga yetadi.
A Seriyadagi joriy mavsumida u sakkizta o‘yin o‘tkazib, gol urdi va samarali uzatma berdi.
