"Ювентус" вингери Анхель Ди Марияга Бразилиянинг "Интернасьонал" клуби қизиқиш билдирмоқда.
Аргентиналик футболчига қизиқиш ҳақида клуб президенти Алессандро Барселос маълум қилди.
“Биз уни кузатмоқдамиз, аммо ҳозирча аниқ маълумотлар йўқ. У бизнинг қандай ишлаётганимизни билади. Биз ҳар доим молиявий ҳолатни тўғри ҳисоблаймиз. Айни дамда Ди Мария бўйича музокаралар олиб борилмаяпти", - деди у.
Эслатиб ўтамиз, аргентиналик футболчининг "Ювентус" билан шартномаси шу ёзда якунига етади.
А Сериядаги жорий мавсумида у саккизта ўйин ўтказиб, гол урди ва самарали узатма берди.
