"Espanyol"ning Robert Levandovskining derbidagi ishtiroki ustidan bergan shikoyati rad etildi.
Eslatib o‘tamiz, klub avvalroq La Ligada 3 ta o‘yinga diskvalifikasiya olgan "Barselona" hujumchisining o‘yindagi ishtiroki sababli Ispaniya Qirollik futbol federasiyasiga (RFEF) shikoyat xati yuborgan edi. Madrid markaziy sudi polyakning diskvalifikasiyasini to‘xtatib turish to‘g‘risida qaror chiqardi, natijada u ushbu o‘yinda maydonga tusha oldi.
RFEF raqobat qo‘mitasi "oq-ko‘klar"ning shikoyatini rad etdi. "Espanyol" bu qarorga rozi emas va apellyasiya qo‘mitasida e’tiroz bildiradi.
