Rimning "Roma" klubi sharafini himoya qilayotgan Eldor Shomurodovning "Torino"ga transferi yakunlanish arafasida.
Italiyalik insayder Janluka Di Marsio xabariga ko‘ra, "Torino" Shomurodovni ijaraga olish uchun "Roma"ga rasmiy taklif bilan chiqdi.
Unga ko‘ra Turinliklar Shomurodovni 12 million yevroga sotib olish huquqi bilan 1 million yevroga ijaraga olishni xohlaydi. "Roma" esa sotib olish majburiyatini shartnomaga kiritmoqchi yoki ushbu variantni futbolchi ma’lum bir ko‘rsatgichlarni qayd etganda amalga oshishini xohlaydi.
Avvalroq Eldor "buqalar" safiga ko‘chib o‘tishga tayyorligi haqida xabarlar paydo bo‘lgandi.
