“Milan” qo‘shimcha bo‘limlarda (0:1) “Torino”ga imkoniyatni boy berib, Italiya Kubogidan chiqib ketdi. “Rossonerilar” 69-daqiqadan boshlab ko‘pchilik bo‘lib harakat qilishganiga qaramay, yakunda mag‘lub bo‘lishdi.
Football Italia nashri xabariga ko‘ra, jazo sifatida futbolchilar o‘yindan so‘ng uylariga ketishlariga ruxsat berilmagan. Ular tunni klub qarorgohida o‘tkazishdi, ertalab esa mashg‘ulot o‘tkazishdi. Shundan keyingina jamoa uyga jo‘nab ketdi.
Shu tariqa, Stefano Pioli sharmandali natijadan so‘ng futbolchilarga ma’lum bir signal yuborishga qaror qildi.
"Milan" navbatdagi o‘yinini 14 yanvar, shanba kuni o‘tkazadi. Stefano Pioli shogirdlari “Lechche” mehmoni bo‘ladi.
