“Милан” қўшимча бўлимларда (0:1) “Торино”га имкониятни бой бериб, Италия Кубогидан чиқиб кетди. “Россонерилар” 69-дақиқадан бошлаб кўпчилик бўлиб ҳаракат қилишганига қарамай, якунда мағлуб бўлишди.
Football Italia нашри хабарига кўра, жазо сифатида футболчилар ўйиндан сўнг уйларига кетишларига рухсат берилмаган. Улар тунни клуб қароргоҳида ўтказишди, эрталаб эса машғулот ўтказишди. Шундан кейингина жамоа уйга жўнаб кетди.
Шу тариқа, Стефано Пиоли шармандали натижадан сўнг футболчиларга маълум бир сигнал юборишга қарор қилди.
"Милан" навбатдаги ўйинини 14 январь, шанба куни ўтказади. Стефано Пиоли шогирдлари “Лечче” меҳмони бўлади.
