Ўзбекистон терма жамоасининг собиқ футболчиси Андрей Фёдоров миллий жамоанинг жаҳон чемпионати – 2026 плей-офф босқичига йўл олиш имкониятлари борасида ўз фикри билан ўртоқлашди.
«Ўзбекистон гуруҳдан мутлақо чиқа олмайди, деб айта олмайман. Плей-оффга чиқиш учун ҳали кичик умид бор. Бунинг учун ДР Конгони мағлуб этиш керак», — дея Фёдоровнинг сўзларини келтиради «Metaratings.ru» нашри.
Жаҳон чемпионати гуруҳ босқичида ўтказилган иккита учрашувдан сўнг Ўзбекистон терма жамоаси ҳали очко жамғара олмади ва сўнгги ўринни эгаллаб турибди. ДР Конгога қарши ўйин якшанба куни, 28 июнь куни бўлиб ўтади. Бош ҳакамнинг старт ҳуштаги Тошкент вақти билан соат 4:30 да янграйди.
