Ярим ҳимоячи Дани Себальос «Реал»ни тарк этишга яқин турибди. Бу ҳақда инсайдер Хорхе Пикон хабар бермоқда.

Қайд этилишича, Мадрид клуби футболчининг кетишини аллақочон келишиб бўлган. Себальос фақатгина шартномани бекор қилиш тўғрисидаги битимга имзо чекиши керак, холос. «Transfermarkt» ўйинчининг трансфер қийматини 7 миллион еврога баҳоламоқда.

Ортда қолган мавсумда Дани Себальос «Реал» сафида 23 та ўйинда майдонга тушди. Ушбу баҳсларда ярим ҳимоячи гол ёки голли узатма билан ажралиб турмади. Аввалроқ футболчига «Марсель», «Бетис» ва «Аякс» клублари қизиқиш билдираётгани ҳақида хабар берилган эди.