Dortmundning "Borussiya" klubi va Germaniya terma jamoasi hujumchisi Yusuf Mukoko yoshni soxtalashtirishda gumonlanmoqda.

Rasmiy ma’lumotlarga ko‘ra, futbolchi 2004 yilning 20 noyabrida Kamerunda tug‘ilgan - hozir u 18 yoshda. Biroq, manbaga ko‘ra, Mukokoni asrab olgan otasi futbolchining haqiqiy tug‘ilganlik guvohnomasini topshirgan. Ushbu hujjat Yusuf Muhammad Mukokoning haqiqiy ismi va 2000 yilda tug‘ilganligini ko‘rsatadi.

Qayd etilishicha, Mukokoning tug‘ilganlik haqidagi guvohnomasini jurnalistlarga taqdim etgan asrab oluvchi otasi keyinchalik hujjatning chop etilishiga qonuniy to‘sqinlik qilgan.

Avvalroq ommaviy axborot vositalari Kamerun U-17 30 nafardan 21 nafari yosh testlaridan o‘ta olmagani haqida xabar berilgandi.

Joriy mavsumda hujumchi “Borussiya” safida barcha turnirlar doirasida 22 ta o‘yinda maydonga tushib, 6 ta gol urdi va 6 ta golli uzatmani amalga oshirdi. Uning klub bilan shartnomasi 2023 yilning yoziga qadar mo‘ljallangan.