“Napoli” hujumchisi Xvicha Kvarasxeliya Italiya chempionatining 18-turidan o‘rin olgan “Yuventus”ga (5:1) qarshi o‘yinda gol urdi va ikkita golli uzatmani amalga oshirdi.
21 yoshli gruziyalik o‘tgan yozda neapolliklar klubiga o‘tgan edi. O‘shandan beri u "Napoli" safida 20 ta o‘yinda maydonga tushib, 9 ta gol urdi va 12 ta golli uzatmani amalga oshirdi.
Bungacha gruziyalik hujumchi Rossiyada “Rubin” va “Lokomotiv”da to‘p surgan. RPLda u 76 o‘yin o‘tkazib, 10 gol urdi va 18 golga assistentlik qildi.
Xvichaning "Napoli" bilan amaldagi shartnomasi 2027 yilgacha mo‘ljallangan. Transfermarkt portali futbolchining narxini 60 million yevroga baholamoqda.
