“Наполи” ҳужумчиси Хвича Кварацхелия Италия чемпионатининг 18-туридан ўрин олган “Ювентус”га (5:1) қарши ўйинда гол урди ва иккита голли узатмани амалга оширди.

21 ёшли грузиялик ўтган ёзда неаполликлар клубига ўтган эди. Ўшандан бери у "Наполи" сафида 20 та ўйинда майдонга тушиб, 9 та гол урди ва 12 та голли узатмани амалга оширди.

Бунгача грузиялик ҳужумчи Россияда “Рубин” ва “Локомотив”да тўп сурган. РПЛда у 76 ўйин ўтказиб, 10 гол урди ва 18 голга ассистентлик қилди.

Хвичанинг "Наполи" билан амалдаги шартномаси 2027 йилгача мўлжалланган. Transfermarkt портали футболчининг нархини 60 миллион еврога баҳоламоқда.