PSV bosh murabbiyi Rud Van Nistelroy o‘z klubi qanot himoyachisi Maduekening "Chelsi"ga o‘tishiga to‘sqinlik qilishda ojizligini tan oldi.
Mish-mishlarga ko‘ra, "Chelsi"ning Madueke bo‘yicha 30 million funt sterling miqdoridagi boshlang‘ich taklifi rad etilgan, ammo van Nistelroy 20 yoshli angliyalik futbolchining ketishini oldini olishga umid qilmayapti va hozirdanoq uning o‘rniga o‘rinbosar qidirmoqda.
"Endi masala yaxshi o‘rinbosar topishda. Ko‘rinib turibdiki, qishki transfer oynasida yana bir yirik futbolchini yo‘qotishimiz mumkin.
Men "Chelsi" Maduekeni xohlayotganini bilaman. Men uni qo‘yib yubormaslikni afzal ko‘raman, lekin men katta klublarning unga qiziqish bildirishlariga to‘sqinlik qila olmayman.
Men klubdan uni qandaydir yo‘l bilan bu erda ushlab turishimiz mumkinmi, deb so‘radim. Madueke PSVda uzoqroq qoladi deb umid qilgandim.
Men klubga uni saqlab qolish uchun qo‘lidan kelgan barcha ishni qilishni aytdim. U bu klub uchun muhim. Lekin bilaman, senga katta pul taklif qilishsa, bu butunlay boshqacha voqea bo‘ladi", - dedi Van Nistelroy Daily Mirror bilan suhbatda.
