ПСВ бош мураббийи Руд Ван Нистелрой ўз клуби қанот ҳимоячиси Мадуэкенинг "Челси"га ўтишига тўсқинлик қилишда ожизлигини тан олди.
Миш-мишларга кўра, "Челси"нинг Мадуэке бўйича 30 миллион фунт стерлинг миқдоридаги бошланғич таклифи рад этилган, аммо ван Нистелрой 20 ёшли англиялик футболчининг кетишини олдини олишга умид қилмаяпти ва ҳозирданоқ унинг ўрнига ўринбосар қидирмоқда.
"Энди масала яхши ўринбосар топишда. Кўриниб турибдики, қишки трансфер ойнасида яна бир йирик футболчини йўқотишимиз мумкин.
Мен "Челси" Мадуэкени хоҳлаётганини биламан. Мен уни қўйиб юбормасликни афзал кўраман, лекин мен катта клубларнинг унга қизиқиш билдиришларига тўсқинлик қила олмайман.
Мен клубдан уни қандайдир йўл билан бу эрда ушлаб туришимиз мумкинми, деб сўрадим. Мадуэке ПСВда узоқроқ қолади деб умид қилгандим.
Мен клубга уни сақлаб қолиш учун қўлидан келган барча ишни қилишни айтдим. У бу клуб учун муҳим. Лекин биламан, сенга катта пул таклиф қилишса, бу бутунлай бошқача воқеа бўлади", - деди Ван Нистелрой Daily Mirror билан суҳбатда.
