Dortmundning «Borussiya» klubi sport direktori Sebastyan Kel yarim himoyachi Jud Bellingemning kelajagi haqida gapirdi.

«Ayni paytda bizda Jud Bellingem bo‘yicha hech qanday taklif yo‘q, hali hech narsa hal qilinmagan. Biz Jud va uning oilasi bilan gaplashamiz, hech qanday bosim yo‘q, biroq takliflar ham yo‘q», - deya iqtibos keltirdi Kel.

Avvalroq, 19 yoshli futbolchiga «Real»dan og‘zaki taklif tushgani haqida xabar berilgandi.

Yarim himoyachi joriy mavsum dortmundliklar safida 22 ta o‘yinda maydonga tushib, 9 ta gol urdi va 3 ta golga assistentlik qildi.

Uning shartnomasi 2025 yilning yoziga qadar mo‘ljallangan. «Transfermarkt» portali futbolchining narxini 110 million yevroga baholamoqda.