Дортмунднинг «Боруссия» клуби спорт директори Себастьян Кель ярим ҳимоячи Жуд Беллингемнинг келажаги ҳақида гапирди.
«Айни пайтда бизда Жуд Беллингем бўйича ҳеч қандай таклиф йўқ, ҳали ҳеч нарса ҳал қилинмаган. Биз Жуд ва унинг оиласи билан гаплашамиз, ҳеч қандай босим йўқ, бироқ таклифлар ҳам йўқ», - дея иқтибос келтирди Кель.
Аввалроқ, 19 ёшли футболчига «Реал»дан оғзаки таклиф тушгани ҳақида хабар берилганди.
Ярим ҳимоячи жорий мавсум дортмундликлар сафида 22 та ўйинда майдонга тушиб, 9 та гол урди ва 3 та голга ассистентлик қилди.
Унинг шартномаси 2025 йилнинг ёзига қадар мўлжалланган. «Transfermarkt» портали футболчининг нархини 110 миллион еврога баҳоламоқда.
