"Barselona" hali ham Gavini asosiy tarkib futbolchisi sifatida ro‘yxatdan o‘tkazmagan.
Sentyabr oyida "Barselona" ispaniyalik bilan shartnomani 2026 yilgacha uzaytirganini, yangi kelishuv shartlariga ko‘ra, uning maoshi oshirilishini e’lon qilgandi.
Dekabr oyida ma’lum bo‘lishicha, kataloniyaliklar maoshi oshirib yuborilgani uchun Gavini asosiy tarkibga kirita olmagan, shu sabab u 6-raqamda o‘ynashni istasa-da, 30-raqamda harakat qiladi.
Mundo Deportivo xabariga ko‘ra, bu masala haligacha hal etilmagan. 18 yoshli yarim himoyachining shartnomasi hali La Ligada qayd etilmagan, shu sabab Gavi yangi maosh olmaydi va asosiy tarkib o‘yinchisining raqamini ololmaydi.
Biroq futbolchi va uning agenti klubga to‘liq ishonishadi.
