"Барселона" ҳали ҳам Гавини асосий таркиб футболчиси сифатида рўйхатдан ўтказмаган.

Сентябрь ойида "Барселона" испаниялик билан шартномани 2026 йилгача узайтирганини, янги келишув шартларига кўра, унинг маоши оширилишини эълон қилганди.

Декабрь ойида маълум бўлишича, каталонияликлар маоши ошириб юборилгани учун Гавини асосий таркибга кирита олмаган, шу сабаб у 6-рақамда ўйнашни истаса-да, 30-рақамда ҳаракат қилади.

Mundo Deportivo хабарига кўра, бу масала ҳалигача ҳал этилмаган. 18 ёшли ярим ҳимоячининг шартномаси ҳали Ла Лигада қайд этилмаган, шу сабаб Гави янги маош олмайди ва асосий таркиб ўйинчисининг рақамини ололмайди.

Бироқ футболчи ва унинг агенти клубга тўлиқ ишонишади.