“Lasio” markaziy hujumchisi Chiro Immobile jarohati sabab safdan chiqdi. To‘purarga o‘ng son mushaklarining shikastlanishi tashxisi qo‘yilgan. Ushbu muammo tufayli futbolchi ikki haftaga yaqin lazaretda yotadi, deya xabar beradi klub matbuot xizmati.

Immobile Italiya chempionati doirasida "Sassuolo"ga qarshi o‘yinda (2:0) jarohat oldi. Jarohati tufayli u uchrashuvning 15-daqiqasidayoq maydonni tark etishga majbur bo‘ldi.

32 yoshli hujumchi joriy mavsum A Seriyada 14 ta o‘yinda maydonga tushib, 7 ta gol va 3 ta golli uzatmaga mualliflik qilgan.