“Лацио” марказий ҳужумчиси Чиро Иммобиле жароҳати сабаб сафдан чиқди. Тўпурарга ўнг сон мушакларининг шикастланиши ташхиси қўйилган. Ушбу муаммо туфайли футболчи икки ҳафтага яқин лазаретда ётади, дея хабар беради клуб матбуот хизмати.

Иммобиле Италия чемпионати доирасида "Сассуоло"га қарши ўйинда (2:0) жароҳат олди. Жароҳати туфайли у учрашувнинг 15-дақиқасидаёқ майдонни тарк этишга мажбур бўлди.

32 ёшли ҳужумчи жорий мавсум А Серияда 14 та ўйинда майдонга тушиб, 7 та гол ва 3 та голли узатмага муаллифлик қилган.